ಅಂತರಿಕ್ಷದಲ್ಲಿ "ಅರಮನೆಗಳು"!!??

ಮನುಷ್ಯ...
ಅಸಾಧ್ಯವನ್ನು ಸಾಧ್ಯ ಮಾಡಲು ಸದಾ ತತ್ಪರ ಪ್ರಾಣಿ.
ಇಂತಹ ಮಾನವನ ಮಂಡೆಯ ಒಳಗೆ ಬಂದದ್ದು ಅಂತರಿಕ್ಷದಲ್ಲಿ ಮನೆ ಕಟ್ಟುವ ವಿಚಾರ..
ಸರಿ ಬಿಡಿ.. ಹೊರಟ ನೋಡಿ ..
ವ್ಯೋಮದಲ್ಲಿ ಅರಮನೆ ಕಟ್ಟಲು!!
ಅರಮನೆಗಳನ್ನು ಅಂತರಿಕ್ಷ ನಿಲ್ದಾಣ ಗಳೆಂದು ಕರೆದ..
೨೦೧೫ನನ್ನೊಂದಿಗೆ ಈ "ತ್ರಿಶಂಕು ಸ್ವರ್ಗಗಳ"..
ಭೂತ..ಭವಿಷ್ಯ..ವರ್ತಮಾನಗಳ ಒಳಗೆ...
ಭೂತ..
ಇದೆಲ್ಲ ಶುರುವಾದದ್ದು ಹೊಟ್ಟೆಕಿಚ್ಚಿನಿಂದ!!??
ಅದು ೧೯೫೦ ರ ಕಾಲ..
ಎರಡನೇ ವಿಶ್ವಯುದ್ದ ಮುಗಿದಿತ್ತು..
ಆದರೆ ಒಂದು ಹೊಸ ಯುದ್ದ ಪ್ರಾರಂಭವಾಗಿತ್ತು..
ಶೀತಲ ಸಮರ..
ಅಮೇರಿಕಾದ "ಗಿಡುಗಕ್ಕೆ" ಸೋವಿಯತ್ತಿನ "ನಾಯಿಗಳ" ಭಯ..
ಸೋವಿಯತ್ತಿನ "ನಾಯಿಗಳಿಗೆ" ಅಮೆರಿಕಾದ "ಗಿದುಗಗಳ" ಮೇಲೆ ಹೊಟ್ಟೆಕಿಚ್ಚು..
ಪರಿಣಾಮ..
ವಿಶ್ವ ಒಳಗೊಳಗೇ ಎರಡು ಬಣಗಳಾಗಿ ಒಡೆದು ಹೋಯಿತು..
ಮಿಲಿಟರಿ,ತಂತ್ರಜ್ಞಾನ, ವಿಜ್ಞಾನ.. ಈ ರೀತಿ ಭೂಮಿಯ ಎಲ್ಲ ಕ್ಷೇತ್ರಗಳಲ್ಲೂ ಸ್ಪರ್ಧೆ ಶುರುವಾಯಿತು..
ಭೂಮಿ ಇವರಿಗೆ ಸಾಕಾಗಲಿಲ್ಲ..
ಅಂತರಿಕ್ಷಕ್ಕೆ ಹಾರಿದರು..
೧೯೫೭, ಅಕ್ಟೋಬರ್ ೪ ರಂದು ಸೋವಿಯತ್ ಹಾರಿಸಿದ "ಸ್ಪುಟ್ನಿಕ್" ಎಂಬ ಪ್ರಥಮ ಉಪಗ್ರಹ ಅಕ್ಷರಶಃ "ವ್ಯೋಮಕ್ಕೆ ಕಿಚ್ಚು" ಹಚ್ಹ್ಚಿಸಿತು..































ಅಲ್ಲಿಂದ ಮುಂದೆ ವ್ಯೋಮದಲ್ಲಿ ಪ್ರಾಬಲ್ಯಕ್ಕಾಗಿ "ಗಿಡುಗ" ಮತ್ತು "ನಾಯಿಗಳ" ನಡುವೆ ಅದ್ಭುತ ಸ್ಪರ್ಧೆ ಶುರುವಾಯಿತು..
"ವ್ಯೋಮಕ್ಕಾಗಿ ಭೂಮಿಯಲ್ಲಿ ಹೋರಾಟ ಶುರುವಾಯಿತು !!!??"
ಪ್ರಥಮ ವ್ಯೋಮಯಾನ ಮುಂತಾದ ದಾಖಲೆಗಳು "ಸೋವಿಯತ್ತಿನ" ಪಾಲಾದರೆ...
ಚಂದ್ರನ ಮೇಲೆ ಪ್ರಥಮ ಮಾನವನನ್ನು ಕಳಿಸಿದ ಕೀರ್ತಿ ಅಮೇರಿಕಾದ ಪಾಲಾಯಿತು...
"(ಚಂದ್ರನ ಮೇಲೆ ಮಾನವ ಹೋಗಿದ್ದು ನಿಜವೇ? ಭೇಟಿ ಕೊಡಿ. ekhagola )
ಆಗ "ಸೋವಿಯತ್ತು" ಅಂತರಿಕ್ಷದಲ್ಲಿ ಮನೆ ಮಾಡುವ ಯೋಜನೆ ಹಾಕಿತು..
ಈಗ ಪ್ರಶ್ನೆ ಏನೆಂದರೆ "ಅಂತರಿಕ್ಷದಲ್ಲಿ ಎಲ್ಲಿ ಮನೆ ಮಾಡುವುದು?"???
ಅಮೇರಿಕಾ ಹೇಳಿತು "ಚಂದ್ರನ ಮೇಲೆ ಮನೆ ಮಾಡೋಣ" ಎಂದು..
ಸೋವಿಯತ್ ಹೇಳಿತು "ಅಷ್ಟು ದೂರದಲ್ಲಿ ಮನೆ ಮಾಡಲು ನಮಗೆ ಆಗೊಲ್ಲಪ್ಪ, ನಾವು ಭೂಮಿಯ ಸುತ್ತ ಸುತ್ತುವ ಕೃತಕ ಉಪಗ್ರಹವನ್ನೇ ಮನೆಯನ್ನಾಗಿ ಬದಲಾಯಿಸುತ್ತೀವೆ" ಎಂದು..
ಹೇಳಿದ್ದು ಮಾತ್ರವಲ್ಲ.. ಪ್ರಥಮ ಅಂತರಿಕ್ಷ ನಿಲ್ದಾಣ ವನ್ನು ೧೯೭೨ ರಲ್ಲಿ ನಿರ್ಮಿಸಿಯೇ ಬಿಟ್ಟಿತು..
ಅದೇ ಜಗತ್ತಿನ ಪ್ರಥಮ ವ್ಯೋಮ ನಿಲ್ದಾಣ "ಸಲ್ಯೂಟ್ ೧"(ಚಿತ್ರ ನೋಡಿ)























ಅಮೇರಿಕಾ ನಾನ್ಏನು ಕಮ್ಮಿ ಎಂದು ಮರುವರ್ಷವೇ ತನ್ನ ಪ್ರಥಮ ವ್ಯೋಮ ನಿಲ್ದಾಣ "sky lab" ಅನ್ನು ೧೯೭೩ ರಲ್ಲಿ ವ್ಯೋಮಕ್ಕೆ ಹಾರಿಸಿತು..(ಚಿತ್ರ ನೋಡಿ)



























"Sky lab" ಹೇಳುವಷ್ಟು ಯಶಸ್ಸನ್ನು ಪಡೆಯಲಿಲ್ಲ..
ಇದರಿಂದ ಅಮೇರಿಕಾ "ನಾವು ಚಂದ್ರನ ಮೇಲೆ ಮನೆ ಕಟ್ಟುತ್ತೇವೆ " ಎಂದು ಯೋಜನೆಗಳ ಮೇಲೆ ಯೋಜನೆ ಹಾಕಲು ಶುರು ಮಾಡಿತು..
ಇತ್ತ "ಸೋವಿಯತ್ತು" ಮಾತ್ರ "ಸಲ್ಯೂಟ್" ಸರಣಿಯಲ್ಲಿ ಹಲವಾರು ವ್ಯೋಮ ನಿಲ್ದಾಣ ಗಳನ್ನೇ ನಿರ್ಮಿಸಿ ಅಪಾರ ಅನುಭವ ಗಳಿಸಿತು..
ಈಗ ಒಂದು ಪ್ರಶ್ನೆ ..
ಅಂತರಿಕ್ಷದಲ್ಲಿ ದೊಡ್ಡ ಮನೆ ಕಟ್ಟುವುದು ಹೇಗೆ ಎಂದು?
ನಾವು ಮಾತನಾಡುತ್ತಿರುವ ಅರಮನೆಗಳು ಭೂಮಿಯ ಸುತ್ತ ೩೫೦ km
ಸರಾಸರಿ ಕಕ್ಷೆಯಲ್ಲಿ ಸುತ್ತುತ್ತಿರುವ ಪರಿವರ್ತಿತ ಕೃತಕ ಉಪಗ್ರಹಗಳು ಎಂಬುವುದನ್ನು ನಾವು ಮರೆಯಬಾರದು..
ದೊಡ್ಡ ಮನೆ ಕಟ್ಟಲು ಅಷ್ಟೆ ದೊಡ್ಡ ಉಪಗ್ರಹ ಕಳಿಸುವುದು ಬಹಳ ಕಷ್ಟದ ಮಾತು,,
ಆದರೆ ಅಡಿಗೆಮನೆ, ಟಾಯ್ಲೆಟ್, ಬಾತ್ರೂಂ ಇವುಗಳನ್ನು ಬೇರೆ ಬೇರೆಯಾಗಿ ಕಳಿಸಿ ಅಂತರಿಕ್ಷದಲ್ಲೇ ಜೋಡಿಸಿದರೆ
ಹೇಗೆ?
ಇದರಿಂದ ಎರಡು ಲಾಭಗಳಿವೆ..
ಮನೆಯನ್ನು ವಿಸ್ತರಿಸಬಹುದು..
ಖರ್ಚು ಮತ್ತು ಅಪಾಯ ಕಡಿಮೆ..
ಇದನ್ನೇ ೧೯೮೩ ರಲ್ಲಿ ಸೋವಿಯತ್ ಮಾಡಿದ್ದು..
ಜಗತ್ತಿನ ಪ್ರಪ್ರಥಮ "ವ್ಯೋಮದಲ್ಲೇ ಜೋಡಿಸಲ್ಪಟ್ಟ" ಬಹು ರೂಮು ಗಳಿರುವ ವ್ಯೋಮ ನಿಲ್ದಾಣ "ಮೀರ್-( ರಷ್ಯನ್ ಭಾಷೆಯಲ್ಲಿ ಶಾಂತಿ) ವ್ಯೋಮದಲ್ಲಿ ಜನ್ಮ ತಾಳಿತು..(ಚಿತ್ರ ನೋಡಿ)

ಇದರಲ್ಲಿ ವರ್ಷಗಟ್ಟಲೆ ವ್ಯೋಮಯಾನಿ ಗಳಿದ್ದು ದಾಖಲೆ ಬರೆದರು..

ಅಷ್ಟು ಹೊತ್ತಿಗೆ ೧೯೯೧ ರ ಸುಮಾರಿಗೆ ಸೋವಿಯತ್ತು ಒಡೆದು ಪುಡಿ ಪುಡಿ ಯಾಗಿ ಹೋಯಿತು..

ಆಗ ಒಂದು ವಿಚಿತ್ರ ಪರಿಸ್ತಿತಿ ಬಂತು..

ಅತ್ತ ಅಮೇರಿಕಾ ಚಂದ್ರನ ಮೇಲೆ ಒಂದು ಟಾಯ್ಲೆಟ್ ಕಟ್ಟುವುದೂ ಕಷ್ಟ ಎಂದು ಮನಗಂಡಿತು..

ಇತ್ತ ಸೋವಿಯತ್ತಿನ ಬಳಿ ಇದ್ದ "Mir" ನಿಭಾಯಿಸಲೂ ಹಣವಿರಲಿಲ್ಲ..

ಅತ್ತ ಅಮೆರಿಕಾದ ಬಳಿ ಹಣವಿತ್ತು.. ಅನುಭವ ವಿರಲಿಲ್ಲ..

ರಷ್ಯದ ಬಳಿ ಹಣವಿರಲಿಲ್ಲ .. ಅನುಭವವಿತ್ತು..

ಇಬ್ಬರಿಗೂ ಅಂತರಿಕ್ಷದಲ್ಲಿ ಹೊಸ ವ್ಯೋಮ ನಿಲ್ದಾಣ ನಿರ್ಮಿಸುವ ಅಗತ್ಯವಿತ್ತು..

ಹಣ ಮತ್ತು ಅನುಭವ ಒಂದಾಗುವ "ಶುಭ ಕಾಲ" ಬಂದಿತ್ತು..

ವಿಶ್ವದ ಹದಿನಾರು ರಾಷ್ಟ್ರ ಗಳು ಒಂದಾಗಿ ವ್ಯೋಮದಲ್ಲಿ "ನ ಭೂತೋ" ಎಂಬಂತಹ ಅರಮನೆ ಕಟ್ಟಲು ಸಜ್ಜಾದವು..

ಇದರ ಫಲ ಸ್ವರೂಪವೇ "ಅಂತರ ರಾಷ್ಟ್ರೀಯ ಅಂತರಿಕ್ಷ ನಿಲ್ದಾಣ" ವ್ಯೋಮದಲ್ಲಿ ಜನ್ಮ ತಾಳಲು ಆರಂಭಿಸಿತು. ೩೫೦ km ದೂರ ದಲ್ಲಿ ಅದ್ಭುತ ಅಂತರಿಕ್ಷ ನಿಲ್ದಾಣದ ನಿರ್ಮಾಣ ಭರದಿಂದ ಸಾಗಿದೆ. ೨೦೧೫ರಲ್ಲಿ ಈ ಕಾರ್ಯ ಮುಗಿಯುವ ಸಾಧ್ಯತೆ ಇದೆ (ಚಿತ್ರ ನೋಡಿ).

ಖಗೋಳ ವೈಭವ ಭಾಗ ೨

ಒರಿಯೋನ್ ನಿಹಾರಿಕೆಯ ವೈಭವ

"ನಕ್ಷತ್ರಗಳ ಪಾಕಶಾಲೆ"

ಮಹಾವ್ಯಾಧ (ಚಿತ್ರ ನೋಡಿ) ನಕ್ಷತ್ರರಾಶಿಯಲ್ಲಿರುವ ಈ ನಿಹಾರಿಕೆಯ ಸೌಂದರ್ಯ ಅನುಪಮ.

ಮಹಾವ್ಯಾಧದಲ್ಲಿ ಎಲ್ಲಿದೆ ?

ವೈಶಿಷ್ಟ್ಯಗಳು

೧: ಮನುಷ್ಯನಿಗೆ ಗೊತ್ತಾದ ಮೊದಮೊದಲ ನಿಹಾರಿಕೆಗಳಲ್ಲಿ ಒಂದು.

೨: ಭೂಮಿಯಿಂದ ಬರೀ ಕಣ್ಣಲ್ಲಿ ಕಾಣಬಹುದಾದ ನಿಹಾರಿಕೆಗಳಲ್ಲಿ ಒಂದು.

೩:ಭೂಮಿಗೆ ಹತ್ತಿರವಿರುವ ಅತ್ಯಂತ ಹೆಚ್ಚು ನಕ್ಷತ್ರಗಳು ಹುಟ್ಟುತ್ತಿರುವ ನಿಹಾರಿಕೆಗಳಲ್ಲೊಂದು.

ಖಗೋಳ ವೈಭವ ೧ ..

ಈ ಬ್ರಹ್ಮಾಂಡ ಬಲು ಸುಂದರ...

ಅಷ್ಟೇ ನಿಗೂಢ...

ಅದರ ಸೌಂದರ್ಯ, ವೈಭವ, ನೋಡಿ ಬೆರಗಾಗೋಣ ಬನ್ನಿ...

ಬೆಕ್ಕಿನ ಕಣ್ಣಿನ ನೀಹಾರಿಕೆ...(Cat's Eye Nebulae)..

Draco ನಕ್ಷತ್ರ ರಾಶಿಯಲ್ಲಿರುವ ಈ ಗ್ರಹೀಯ ನೀಹಾರಿಕೆಯ (Planetary Nebula) ಸೌಂದರ್ಯ ಅನುಪಮ ,ಅಷ್ಟೇ ನಿಗೂಢ..

ವಿಲಿಯಮ್ ಹರ್ಷೆಲ್ ಫೆಬ್ರವರಿ ೧೭೮೬ ರಲ್ಲಿ ಮೊದಲ ಬಾರಿಗೆ ಈ ನಿಹಾರಿಕೆಯನ್ನು ಕಂಡುಹಿಡಿದ.

ಇದರ ಕ್ಲಿಷ್ಟ ರೂಪ ವನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳುವ ಪ್ರಯತ್ನ ಇಂದಿಗೂ ನಡೆದಿದೆ..

ಖಗೋಳದ ಗರ್ಭದಲ್ಲಿ ಇಂತಹ ಸಾವಿರಾರು ಅಮೋಘ ರಚನೆಗಳಿವೆ...

ಮುಂದಿನ ಖಗೋಳದ ಸಂಚಿಕೆಗಳಲ್ಲಿ ಇಂತಹ ನೂರಾರು ಅದ್ಭುತಗಳು ನಿಮಗಾಗಿ ಕಾದಿವೆ.

ಮುಂದಿನ ವಾರ ಮತ್ತೊಂದು ಅದ್ಭುತದೊಂದಿಗೆ ಖಗೋಳದಲ್ಲಿ ಮತ್ತೊಮ್ಮೆ ಭೇಟಿಯಾಗೋಣ.

ಹಬಲನ ತಬಲಾ...

ಹಬಲ್ ದೂರದರ್ಶಕ ವ್ಯೋಮದೊಳಗೆ ಶೋಧ ಶುರು ಮಾಡಿ ಸುಮಾರು ಎರಡು ದಶಕಗಳೇ ಕಳೆದಿವೆ.

ಇಂದು ನಾವು ಅದರ ಕಣ್ಣುಗಳಿಂದ ವಿಶ್ವವನ್ನು ಹೊಸ ರೀತಿ ಯಲ್ಲೇ ನೋಡಲು ಕಲಿತಿದ್ದೇವೆ.

"Hubble"ಗೆ ಹದಿನೈದು ವರ್ಷ ಅದಾಗ ಅದರ ಪ್ರೇಮಿಗಳು ಈ ಸುಂದರ ವಿಡಿಯೋವನ್ನು ಬಿಡುಗಡೆ ಮಾಡಿದ್ದರು..

ಒಮ್ಮೆ ಈ ವೀಡಿಯೊ ನೋಡಿ..

ನೀವು ಈ ವ್ಯೋಮವನ್ನು ನೋಡುವ ರೀತಿಯೀ ಬದಲಾಗುತ್ತದೆ...

ರಾಶಿಗಳ ಸೌಂದರ್ಯ...ಭಾಗ ೩

ಕ್ರಮವಾಗಿ ಮೀನ, ಸಿಂಹ, ತುಲಾ, ಮಿಥುನ ರಾಶಿಗಳ ಸೌಂದರ್ಯ...

ನಿಮ್ಮ ರಾಶಿಯ ಸೌಂದರ್ಯವನ್ನು ಇನ್ನೂ ದೊಡ್ಡದಾಗಿ ಕಾಣಲು ಚಿತ್ರಗಳ ಮೇಲೆ click ಮಾಡಿ...

ರಾಶಿಗಳ ಸೌಂದರ್ಯ...ಭಾಗ 2

ಮೇಷ ರಾಶಿ....









ವ್ರಶಭ ರಾಶಿ ...











ಕರ್ಕಾಟಕ ರಾಶಿ...

ಮಕರ ರಾಶಿ....

ರಾಶಿಗಳ ಸೌಂದರ್ಯ...ಭಾಗ ೧

ಧನುಸ್ಸು ರಾಶಿ...












ಕುಂಭ ರಾಶಿ.....












ವ್ರಶ್ಚಿಕ ರಾಶಿ....

ಕನ್ಯಾ ರಾಶಿ...

ವ್ಯೋಮದಲ್ಲಿ ಊಟ...

"ಅನ್ನ ದೇವರ ಮುಂದೆ ಇನ್ನು ದೇವರುಂಟೇ? "


ಅಲ್ಲವೇ ಸ್ವಾಮೀ?


ದಿಲ್ಲಿಯ ಗೌಡನಿಂದ ಹಳ್ಳಿಯ ಗೊಲ್ಲನವರೆಗೆ ಎಲ್ಲರಿಗೂ ಬೇಕು ಆಹಾರ.


ಹಾಗಿರುವಾಗ ಈ ವ್ಯೋಮಯಾನಿಗಳು ಈ ಅನ್ನದೇವನ ಬಿಟ್ಟು ಇರಬಲ್ಲರೆ?


ಹಾಗಿದ್ದಲ್ಲಿ ಅವರು ಏನು ತಿನ್ನುತ್ತಾರೆ? ಹೀಗೆ ತಿನ್ನುತ್ತಾರೆ? ಇತ್ಯಾದಿಗಳು ನಿಮ್ಮ ಕುತೂಹಲದ ಪ್ರಶ್ನೆಗಳು, ಅಲ್ಲವೇ?


ತಡವೇಕೆ? ಬನ್ನಿ ಹಾಗಾದರೆ, ನಾವೂ ನೀವೂ ಒಂದಾಗಿ ವ್ಯೋಮದ ಊಟದ ರುಚಿ ಸವಿಯೋಣ...



ವ್ಯೋಮದಲ್ಲಿ ಮೊದಲ ಬಾರಿಗೆ ಏನನ್ನಾದರೂ ತಿಂದ ವ್ಯೋಮ ಯಾನಿ ಎಂದರೆ ವ್ಯೋಮಕ್ಕೆ ಭೂಮಿಯಿಂದ ಕಳಿಸಲ್ಪಟ್ಟ ಮೊದಲ ಪ್ರಾಣಿ ವ್ಯೋಮನಾಯಿ "Likaa". (ಚಿತ್ರ ನೋಡಿ)

ಇದು ವ್ಯೋಮದಲ್ಲಿ ತನ್ನ ಜೀವನದ ಕೊನೆಯ ಆಹಾರ ಉಂಡು ಭೂಮಿಯ ವಾತಾವರಣಕ್ಕೆ ತನ್ನನ್ನು ಹೊತ್ತೊಯ್ದಿದ್ದ "Sputnik-2" ಉಪಗ್ರಹದೊಂದಿಗೆ ನುಗ್ಗಿ ಸುತ್ತು ಭಸ್ಮವಾಯಿತು.


ಇನ್ನು ಮಾನವ ವ್ಯೋಮಯಾನಿಗಳಲ್ಲಿ ಅಂತರಿಕ್ಷದಲ್ಲಿ ಏನನ್ನಾದರೂ ತಿಂದ ಮೊದಲ ವ್ಯೋಮಯಾನಿ ರಷ್ಯಾದ ಎರಡನೇ ವ್ಯೋಮಯಾನಿ "Titov".(ವಾಸ್ತೋಕ್೨ ನೌಕೆ )


ಇನ್ನು ಅಮೇರಿಕಾದ ಬಗ್ಗೆ ಹೇಳುವದಾದರೆ ಅಲ್ಲಿಯ ಜಾನ್ ಗ್ಲೆನ್ ನಂತಹ ಪ್ರಥಮ ಪೀಳಿಗೆಯ ವ್ಯೋಮಯಾನಿ ಗಳಿಗೆ tube ಆಹಾರವನ್ನು ಜಗಿದು ತಿನ್ನುವ ಗ್ರಹಚಾರವಿತ್ತು. ಆಗ ಅವರು NASA ಗೆ ದೂರನ್ನಿತ್ತರು. ಮುಂದಿನ "Sky Lab" (ಅಮೆರಿಕಾದ ಮೊದಲ ವ್ಯೋಮ ನಿಲ್ದಾಣ) ನ ಪ್ರಯಾಣಿಕರಿಗೆ "ಭಾರೀ ಭೋಜನ" !! ಸುಮಾರು ೭೨ ವಿಧದ ಅಹಾರವಿತ್ತಂತೆ ಅಲ್ಲಿ.


ಈಗಿನವರಿಗಂತೂ ಹೇಳುವುದೇ ಬೇಡ. ವ್ಯೋಮಕ್ಕೆ ಹೋಗುವ ಆರು ತಿಂಗಳ ಮೊದಲು "NASA" ದ ವ್ಯೋಮದ ಆಹಾರದ ವಿಭಾಗಕ್ಕೆತಮಗೆ ವ್ಯೋಮದಲ್ಲಿ ತಿನ್ನಲು ಇಡ್ಲಿ ಬೇಕಾದರೆ ಇಡ್ಲಿ, ಮಸಾಲೆ ವ್ಯೋಮದ ಊಟ ಮಸಾಲೆ ದೋಸೆ, ಏನು ಬೇಕೋ ಅದನ್ನು ಕೇಳಿದರಾಯಿತು. ಅದು ನಿಮಗೆ "ವ್ಯೋಮದಲ್ಲಿ" ಅಜೀರ್ಣಕ್ಕೆ ಕಾರಣ ವಾಗುವುದಿಲ್ಲ ಎಂದಾದರೆ ಖಂಡಿತವಾಗಿಯೂ ಅದನ್ನು ಪ್ಯಾಕ್ ಮಾಡಿ ಅಂತರಿಕ್ಷಕ್ಕೆ ಕಳಿಸುತ್ತಾರೆ


ನಮ್ಮ ಭಾರತದ ಪ್ರಥಮ ವ್ಯೋಮಯಾನಿ "ರಾಕೇಶ್ ಶರ್ಮ(ಚಿತ್ರ ನೋಡಿ)" ಅಂತರಿಕ್ಷಕ್ಕೆ ಹೋಗಿದ್ದಾಗ ಮೈಸೂರಿನ CFTRI ನ ವಿಜ್ಞಾನಿಗಳು "ಮಾವಿನಕಾಯಿಹಲ್ವ" ದಂತಹ ಆಹಾರ ತಯಾರಿಸಿ ಕಳಿಸಿದ್ದರು.

ಕೊನೆಯದಾಗಿ ಒಂದು ಪ್ರಶ್ನೆ....


ಈ ಪ್ರಶ್ನೆಯನ್ನು ಜಪಾನಿನ ಒಬ್ಬ ವ್ಯೋಮಯಾನಿಗೆ ಕೇಳಿದ್ದರು...


"ಅಲ್ಲಿನ ಊಟ ಹೇಗೆ ಸ್ವಾಮಿ?"


ಉತ್ತರ...


"ಎಷ್ಟಾದರೂ ಮನೆಯಲ್ಲಿ ತಿನ್ದನ್ತಾಗುತ್ತದೆಯೇ?".....


ನೀವೇನು ಅಂತೀರಿ?


ಇನ್ನೂ ತಿಳಿಯುವ ಆಸಕ್ತಿ ಇದ್ದರೆ ಭೇಟಿ ಕೊಡಿ...


http://meethariprasad.googlepages.com/myarticles
ಸರಿ ಹಾಗಾದರೆ...


ಮುಂದಿನ ಗುರುವಾರ ಮತ್ತೆ ಖಗೋಳದಲ್ಲಿ ಸಿಗೋಣ...


ನಿಮ್ಮ ಪ್ರೀತಿಯ..


ಖಗೋಳ...

ಗಣಕದೊಳಗೆ ಖಗೋಳ...

ಖಗೋಳಾನ್ವೇಷಣೆ ಇನ್ನು ಗಣಕದೊಳಗಿಂದ...

ವಿಶ್ವ ನಿಮ್ಮ ಕಂಪ್ಯೂಟರ್ ಒಳಗೆ...

ಮೈಕ್ರೋಸಾಫ್ಟ್ ಅಂತರ್ಜಾಲದಲ್ಲಿ ವಿಶ್ವದ ಎಲ್ಲ ಖಗೋಳಾಸಕ್ತರಿಗಾಗಿ ಅದ್ಭುತವಾದ ಸಾಫ್ಟವೇರ್ ಬಿಡುಗಡೆ ಮಾಡಿದೆ...

ಅದೂ ಕೂಡ ಉಚಿತವಾಗಿ....

ಮೈಕ್ರೋಸಾಫ್ಟ್ ನವರ ರಿಸರ್ಚ್ ತಂಡದ ಹೆಮ್ಮೆಯ ಆವಿಷ್ಕಾರ "ವಿಶ್ವವೆಲ್ಲ ದೂರದರ್ಶಕ" (World Wide Telescope) ನ ಹೆಸರಿನಲ್ಲೇ ಇದೋ ತಮ್ಮ ಗಣಕಯಂತ್ರದ ಒಳಗೆ ಬ್ರಹ್ಮಾಂಡ ವನ್ನು ತೆರೆದಿಟ್ಟಿದೆ.
ಏನೆಲ್ಲ ಇದೆ ಈ WWT ಒಳಗೆ?
ಸರಳವಾಗಿ ಹೇಳುವುದಾದರೆ ಪೂರ್ತಿ ವಿಶ್ವವೇ ಇದೆ.
ವಿಶ್ವದ ಯಾವುದೇ ಕಾಯಗಳ ಕಡೆಗೆ ಯಾವಾಗ ಬೇಕಾದರೂ ಹೋಗಿ ಹುಡುಕಬಹುದಾದ ಸಾಧ್ಯತೆ ಇದೆ.
ಅದ್ಭುತವಾದ Hubble,Chandra ದಂತಹ ಉಪಗ್ರಹಗಳು ತೆಗೆದ ಅಮೂಲ್ಯ ಚಿತ್ರಗಳ ದೈತ್ಯ ಭಂಡಾರವಿದೆ.
Confuse ಆದರೆ ಕೈ ಹಿಡಿದು ವಿಶ್ವ ಸುತ್ತಿಸಲು ವಿಶೇಷ ಟೂರ್ ಗಳಿವೆ.
ವಿಶ್ವವೇ ನಿಮ್ಮ ಗಣಕ ಯಂತ್ರ ದಲ್ಲಿದೆ.
ಕಳೆದ ವರ್ಷ ವಿಚಿತ್ರವಾಗಿ ಕಳೆದು ಹೋದ ವಿಶ್ವದ ಅದ್ಭುತ computer scientist, ಈ WWT ನ ಜನಕರಲ್ಲಿ ಒಬ್ಬನಾದ "JIM GRAY"ನ ನೆನಪುಗಳಿವೆ.....
ಮತ್ತೇಕೆ ಕಾಯುತ್ತಿದ್ದೀರಿ? ಶುರುವಾಗಲಿ ನಿಮ್ಮ ಪಯಣ ಅಮೋಘ ವಿಶ್ವದೊಳಗೆ....
ಅದಕ್ಕಾಗಿ ಕ್ಲಿಕ್ ಮಾಡಿ ....
http://www.worldwidetelescope.org/
ಶುಭವಾಗಲಿ....

ಮುಂದಿನ ಗುರುವಾರ ಖಂಡಿತವಾಗಿಯೂ ಖಗೋಳದಲ್ಲಿ ಮರೆಯದೆ ಸಿಗೋಣ..